Expert Punjabi Writer

ਇੱਕ ਖਾਸ ਤੇ ਆਸਾਨੀ ਨਾਲ ਬਨਣ ਵਾਲੀ ਮਿਠਾਈ ਸਮੱਗਰੀ ਸੂਜੀ - ਅੱਧਾ ਕਿਲੋ ਪੀਸੀ ਹੋਈ ਚੀਨੀ - ਅੱਧਾ ਕਿਲੋ ਨਾਰੀਅਲ ਦਾ ਬੂਰਾ - ਅੱਧਾ ਕਿਲੋ ਦੁੱਧ - ਇੱਕ ਕੱਪ ਵਿਧੀ ਸੂਜੀ ਨੂੰ ਮੱਠੀ ਅੱਗ ਤੇ ਭੁੰਨੋ ਹਲਕਾ ਗੁਲਾਬੀ ਹੋ ਜਾਣ ਤੇ ਇਸ ਵਿਚ ਚੀਨੀ ਤੇ ਨਾਰੀਅਲ ਦਾ ਬੂਰਾ ਮਿਲਾ ਦਿਓ। ਅੱਗ ਤੋਂ ਹੇਠਾਂ ਉਤਾਰ ਲਓ। ਹੁਣ ਇਸ ਵਿੱਚ ਕੜਛੀ ਹਿਲਾਉਂਦੇ ਹੋਏ ਦੁੱਧ ਮਿਲਾਉਂਦੇ ਜਾਓ। ਦੁੱਧ ਪਾਉਂਦੇ ਵੇਲੇ ਧਿਆਨ ਰੱਖਣਾ ਕਿ ਮਿਸ਼ਰਣ ਜ਼ਿਆਦਾ ਪਤਲਾ ਨਾਂ ਹੋ ਜਾਵੇ। ਹੁਣ ਇਸ ਮਿਸ਼ਰਣ ਦੇ ਲੱਡੂ ਵੱਟ ਲਓ। ਘੱਟ ਸਮੇਂ ਵਿੱਚ ਸਵਾਦਿਸ਼ਟ ਮਿਠਾਈ ਤਿਆਰ ਹੈ।

ਇੱਕ ਤਪੱਸਵੀ ਆਪਣੇ ਚੇਲਿਆਂ ਨੂੰ ਵਾਰ ਵਾਰ ਕਹਿੰਦਾ ਸੀ ਕਿ ਕਣ ਕਣ ਵਿੱਚ ਰੱਬ ਹੈ,ਅਜਿਹੀ ਕੋਈ ਥਾਂ ਨਹੀਂ ਜਿੱਥੇ ਰੱਬ ਨਾਂ ਹੋਵੇ।ਇਹੀ ਉਸਦੀ ਸਿੱਖਿਆ ਦਾ ਨਿਚੋੜ ਸੀ। ਇੱਕ ਦਿਨ ਉਸਦਾ ਇੱਕ ਚੇਲਾ ਹੱਟੀ ਤੋਂ ਹੋ ਕੇ ਕਿਤੇ ਜਾ ਰਿਹਾ ਸੀ ਕਿ ਇੱਕ ਹਾਥੀ ਤੇਜ਼ੀ ਨਾਲ ਦੌੜਦਾ ਹੋਇਆ ਆਇਆ। ਮਹਾਵਤ ਲਗਾਤਾਰ ਚੀਕ ਰਿਹਾ ਸੀ ਕਿ ਪਰੇ ਹੱਟ ਜਾਓ ਮੇਰਾ ਹਾਥੀ ਪਾਗਲ ਹੋ ਗਿਆ ਹੈ ਪਰ ਚੇਲਾ ਇਹ ਦੇਖਣ ਲਈ ਕਿ ਹਰ ਥਾਂ ਰੱਬ ਹੈ ਕਿ ਨਹੀਂ ਉੱਥੇ ਹੀ ਖੜਾ ਰਿਹਾ ਤੇ ਹਾਥੀ ਨੇ ਉਸਨੰ ਸੁੰਢ 'ਚ ਲਪੇਟ ਕੇ ਨਾਲੀ ਵਿੱਚ ਸੁੱਟ ਦਿੱਤਾ। ਜ਼ਖਮੀ ਹਾਲਤ ਵਿੱਚ ਉਸਨੂੰ ਲੋਕ ਆਸ਼ਰਮ ਵਿੱਚ ਲੈ ਕੇ ਗੁਰੂ ਜੀ ਕੋਲ ਗਏ ਤਾਂ ਚੇਲੇ ਨੇ ਪੁੱਛਿਆ ਕਿ ਜੇ ਹਰ ਥਾਂ ਤੇ ਰੱਬ ਮੌਜੂਦ ਹੈ ਤਾਂ ਹਾਥੀ ਨੇ ਮੇਰੀ ਇਹ ਦੁਰਦਸ਼ਾ ਕਿਉਂ ਕੀਤੀ? ਗੁਰੂ ਨੇ ਕਿਹਾ ਕਿ ਇਹ ਸੱਚ ਹੈ ਕਿ ਹਰ ਚੀਜ਼ ਵਿੱਚ ਰੱਬ ਹੈ ਯਕੀਨਨ ਹਾਥੀ ਵਿੱਚ ਵੀ ਰੱਬ ਦਾ ਵਾਸ ਹੈ, ਪਰ ਮਹਾਵਤ ਵਿੱਚ ਵੀ ਤਾਂ ਰੱਬ ਹੈ ਤੂੰ ਉਸਦੀ ਗੱਲ ਕਿਉਂ ਨਹੀਂ ਸੁਣੀ?

ਇੱਕ ਸੱਪ ਰਾਹ ਵਿੱਚ ਆਉਂਦੇ ਜਾਂਦੇ ਹਰ ਇੱਕ ਨੂੰ ਡੰਗ ਲੈਂਦਾ।ਇੱਕ ਵਾਰ ਇੱਕ ਮਹਾਂਪੁਰਖ ਦੇ ਦਰਸ਼ਨ ਕਰਕੇ ਉਹ ਸੁਧਰ ਗਿਆ ਤੇ ਉਸਨੇ ਮਹਾਂਪੁਰਖ ਨੂੰ ਅੱਗੇ ਤੋਂ ਕਿਸੇ ਨੂੰ ਨਾਂ ਡਸਣ ਦਾ ਵਚਨ ਦਿੱਤਾ। ਕੁੱਝ ਹੀ ਦਿਨਾਂ ਵਿੱਚ ਸਭ ਲੋਕ ਜਾਣ ਗਏ ਕਿ ਇਹ ਸੱਪ ਹੁਣ ਕੁੱਝ ਨਹੀਂ ਕਹਿੰਦਾ ਤਾਂ ਲੋਕਾਂ ਨੇ ਉਸਦਾ ਜੀਣਾ ਹਰਾਮ ਕਰ ਦਿੱਤਾ ਉਸ ਤਸੀਹੇ ਦੇਣ ਲੱਗੇ। ਸੱਪ ਬੀਮਾਰ ਹੋ ਗਿਆ ਅਚਾਨਕ ਇੱਕ ਦਿਨ ਓਹੀ ਮਹਾਂਪੁਰਖ ਫੇਰ ਆਏ ਤਾਂ ਸੱਪ ਦੀ ਮਾੜੀ ਹਾਲਤ ਦੇਖ ਕੇ ਪੁੱਛਣ ਲੱਗੇ ਕਿ ਇਹ ਕਿਵੇਂ ਹੋਇਆ ਤਾਂ ਸੱਪ ਨੇ ਆਪਣੀ ਦੁੱਖ ਭਰੀ ਵਿਥਿਆ ਸੁਣਾਈ ਕਿ ਉਸਨੇ ਡੰਗ ਮਾਰਨਾ ਛੱਡ ਦਿੱਤਾ ਤਾਂ ਲੋਕਾਂ ਨੇ ਉਸਦਾ ਜੀਣਾ ਹਰਾਮ ਕਰ ਦਿੱਤਾ। ਮਹਾਂਪੁਰਖ ਨੇ ਕਿਹਾ ਕਮਲਿਆ ਮੈਂ ਤੈਨੂੰ ਡੰਗ ਮਾਰਨ ਤੋਂ ਮਨਾਂ ਕੀਤਾ ਸੀ ਫੂੰਕਾਰਾ ਮਾਰਨ ਤੋਂ ਨਹੀਂ।

ਮੋਟਾਪਾ ਘਟਾਉਣ ਦਾ ਅਚੂਕ ਇਲਾਜ - ਹਰ ਰੋਜ਼ ਸਵੇਰੇ ਸਭ ਤੋਂ ਪਹਿਲਾਂ ਗਰਮ ਪਾਣੀ ਦਾ ਇੱਕ ਗਿਲਾਸ ਪੀਓ। ਜਿੰਨਾ ਗਰਮ ਪਾਣੀ ਆਰਾਮ ਨਾਲ ਪੀ ਸਕੋ ਪਾਣੀ ਉਨਾਂ ਹੀ ਗਰਮ ਕਰੋ । ਨਤੀਜੇ ਦੇਖਣ ਦੀ ਕਾਹਲ ਨਾਂ ਕਰੋ ਸਬਰ ਰੱਖੋ ਤੇ ਕੁੱਝ ਹੀ ਦਿਨਾਂ ਵਿੱਚ ਫਰਕ ਮਹਿਸੂਸ ਕਰੋ।

ਮਨ ਦੀ ਸ਼ਾਂਤੀ ਚਾਹੀਦੀ ਹੈ ਤਾਂ ਕਦੇ ਵੀ ਕਿਸੇ ਬਾਬਤ ਮਾੜੀਆਂ ਗੱਲਾਂ ਨਾਂ ਕਰੋ ਤੇ ਨਾਂ ਆਪਣੇ ਬਾਰੇ ਹੋ ਰਹੀ ਕਿਸੇ ਮਾੜੀ ਗੱਲ ਨੂੰ ਓਹਲੇ ਹੋ ਕੇ ਸੁਣੋ।